Rusiya Xarici İşlər Nazirliyinin sözçüsü Mariya Zaxarova bu həftənin əvvəlində İranın İsfahan şəhərindəki Rusiya konsulluğunun hücuma məruz qaldığını bildirib.
Nazirliyin rəsmi saytında yer alan açıqlamaya görə, martın 8-də İranın dövlət binasına təşkil edilən hücum nəticəsində diplomatik nümayəndəliyin ofis və yaşayış binalarının pəncərələri sınıb.
Maria Zaxarova hadisə zamanı ölən və ya ciddi xəsarət alanın olmadığını söyləyib.
O, baş verənləri beynəlxalq konvensiyaların "açıq-aşkar pozulması" kimi qiymətləndirib və tərəfləri diplomatik binaların toxunulmazlığına hörmət etməyə çağırıb.
Kremlin yaydığı məlumata görə, hadisədən sonra Rusiya Prezidenti Vladimir Putin iranlı həmkarı Məsud Pezeşkian ilə telefon əlaqəsi saxlayıb. Danışıq zamanı Rusiya lideri bölgədəki gərginlikdən narahatlığını ifadə edərək hərbi əməliyyatların dərhal dayandırılması ilə bağlı çağırışını bir daha təkrarlayıb.
