Avropa İttifaqı (Aİ) Rusiyanın Ukraynanın paytaxtına qarşı hücumların davam edəcəyi barədə xəbərdarlığına baxmayaraq, diplomatlarının Kiyevdə qalacağını açıqlayıb
Avropa Komissiyasının sözçüsü Anitta Hipper Brüsseldə keçirdiyi mətbuat konfransında "Aİ Kiyevdəki mövcudluğunu və fəaliyyətini davam etdirir, bu təhdidlərdən çarəsizlik hissi gəlir" deyib.
A.Hipper "Onlar Ukraynada və digər yerlərdə qorxu və təcrid istəyirlər, lakin mesajımız aydındır. Bunun xeyri olmayaq" ifadələrini işlədib.
Aİ-nin Xarici Siyasət və Təhlükəsizlik Məsələləri üzrə Ali Nümayəndəsi Kaja Kallasın bəyanatlarını təkrar edən Hipper Rusiyanın "döyüş meydanında uduzduğunu" və növbəti dəfə mülki şəxsləri və qeyri-hərbi infrastrukturu hədəf almağa yönəldiyini söyləyib.
Hipper bu hücumların Ukrayna, Kiyev xalqı və bölgədəki Aİ nümayəndəliyi üçün "təəssüf ki, gündəlik bir reallıq" olduğunu bildirərək, Aİ-nin mülki missiya qərargahının saymazyana hücumlar kimi xarakterizə edilən zərbələrdə hədəf alındığını qeyd edib.
Hərtərəfli laqeydlik
Hipper son hadisələr səbəbindən Aİ-nin Rusiyanın işlər vəkilini Xarici İşlər Nazirliyinə çağırdığını da bildirib.
Sözçü bu hadisənin Rusiyanın "sülhlə qətiyyən maraqlanmadığını" və davam edən sülh səylərinə qarşı "tam bir laqeydlik" nümayiş etdirdiyini göstərdiyini ifadə edib.
Annita Hipper Aİ-nin Ukraynaya əlavə hava hücumundan müdafiə dəstəyi və maliyyə yardımı ilə dəstək verməyə davam edəcəyini vurğulayaraq, xarici işlər nazirlərinin qarşıdan gələn qeyri-rəsmi görüşündə Rusiya üzərindəki təzyiqin artırılması məsələsini müzakirə edəcəklərinin gözlənildiyini deyib.
Rusiya mayın 25-də Kiyev sakinlərinə, o cümlədən diplomatlar və beynəlxalq təşkilatların əməkdaşlarına, Ukraynanın hərbi sənayesi ilə bağlı obyektlərə yönəlmiş sistemli hücumlardan əvvəl şəhəri "mümkün qədər tez" tərk etmək çağırışı edib.
Moskva bildirib ki, Rusiyanın nəzarətindəki Luqansk bölgəsində 21 nəfərin ölümü ilə nəticələnən və Ukraynanın hücumu kimi xarakterizə edilən hadisədən sonra, bu zərbələr PUA (Pilotsuz Uçuş Aparatı) istehsalı ilə bağlı obyektləri və komanda mərkəzlərini hədəf alacaq.
Ukrayna isə bu iddiaları rədd edərək, qüvvələrinin beynəlxalq humanitar hüquqa uyğun olaraq yalnız hərbi infrastrukturu hədəf aldığını bəyan edib.
