Nazirliyin bəyanatında Rusiya ordusunun Ukraynadakı hədəflərə havadan yüksək dəqiqlikli silahlar və pilotsuz uçuş aparatları (PUA) ilə hücum təşkil etdiyi qeyd olunub.
Kiyev vilayətində hərbi təyinatlı məhsulların saxlanılması və daşınması üçün istifadə edilən logistika mərkəzinin gecə saatlarında vurulduğu bildirilən bəyanatda, Yujnıy və Çornomorsk limanlarında hərbi yük daşıyan 2 gəminin, həmçinin hərbi anbar və terminalın hədəf alındığı diqqətə çatdırılıb.
Bəyanatda, həmçinin Odessa vilayətinin Mirnoye yaşayış məntəqəsindəki "Novoodesskaya" yarımstansiyasının da vurulduğu vurğulanıb.
Digər tərəfdən, Rusiyanın Krasnodar Vilayəti Əməliyyat Qərargahı Soçi şəhərinə PUA-larla təşkil edilən hücum nəticəsində neft bazasında yanğın çıxdığını bildirib.
Qərargahın bəyanatında Soçiyə yönəlik PUA hücumunda çoxlu sayda binaya ziyan dəydiyi qeyd olunarkən, "Neft bazasında da yanğın baş verib", — deyə ifadə olunub.
Açıqlamada fövqəladə hallar xidmətinin əməkdaşlarının hadisə yerində işləri davam etdirdiyi diqqətə çatdırılıb.
