Rusiya xarici işlər naziri Sergey Lavrov bildirib ki, ABŞ Nikolas Maduronu devirmək məqsədilə qanunsuz əməliyyat həyata keçirib. İndi isə İranı hücum təhdidləri ilə qorxutmaqdadır. Rəsmi Vaşinqton bununla da beynəlxalq sistemi zəyiflədərək parçalayır.
Bu barədə S.Lavrov yanvarın 14-də N.Maduronun qaçırılmasına yönəlmiş ABŞ əməliyyatı ilə bağlı açıqlamasında deyib. Həmçinin nazir S.Lavrov bildirib ki, Rusiya dövləti müttəfiqi olan Venesuela ilə imzalanmış razılaşmalara sadiq qalmaqda davam edir.
S.Lavrov ABŞ-nin uzun müddət müdafiə etdiyi prinsiplərdən imtina etməsinin ölkənin öz imicinə zərər vurduğunu irəli sürərək, Moskvada namibiyalı həmkarı ilə keçirdiyi mətbuat konfransında deyib: “Amerikalı həmkarlarımız bu cür davrandıqda etibarsız görünürlər.”
“Bloomberg” agentliyinin ABŞ prezidenti Donald Trampın xüsusi nümayəndəsi Stiv Uitkoff və kürəkəni Cared Kuşnerin prezident Vladimir Putinlə görüşməyi planlaşdırdıqları barədə dərc etdiyi xəbər S.Lavrova xatırladılıb. S.Lavrov isə bildirib ki, V.Putin Ukraynada sülhün təmin olunması məsələsində ciddi danışıqlara açıq olduğunu dəfələrlə bəyan edib.
Rusiya XİN rəhbəri S.Lavrov həmçinin bildirib ki, rəsmi Vaşinqtonun Ukrayna ilə bağlı son sülh təklifləri barədə Moskva rəhbərliyini də məlumatlandırması yaxşı olardı.
