Türkiyənin xarici işlər naziri Hakan Fidan G20 ölkələrinin xarici işlər nazirləri iclasına qatılmaq üçün ABŞ-nin Corciya ştatının Atlanta şəhərinə səfər edib. Hakan Fidan səfər çərçivəsində həmkarları ilə ikitərəfli görüşlər keçirib.
Xarici İşlər Nazirliyinin yaydığı məlumata əsasən, Hakan Fidan ilk olaraq indoneziyalı həmkarı Armanata Kristiavan Nasir ilə bir araya gəlib.
Daha sonra yaponiyalı həmkarı Toşimitsu Moteqi ilə görüşən Hakan Fidan ikitərəfli ticarət və investisiya əlaqələrinin daha da genişləndirilməsinin vacibliyini vurğulayıb. Nazir Hakan Fidan qarşılıqlı sərmayələrin artırılmasının, eləcə də Türk və Yapon şirkətlərinin üçüncü ölkələrdə birgə əməkdaşlığının inkişaf etdirilməsinin əhəmiyyətini diqqətə çatdırıb. Danışıqlar zamanı tərəflər arasında planlaşdırılan yüksəksəviyyəli səfərlər, həmçinin Asiya-Sakit Okean və Yaxın Şərq regionlarındakı son proseslər ətrafında fikir mübadiləsi aparılıb.
