Türkiyə Nigeriyanın Niger əyalətində baş verən ölümcül daşqınların qurbanlarına başsağlığı verdi.

  Türkiyə Xarici İşlər Nazirliyinin bəyanatında deyilir: “Nigeriyanın Niger əyalətinin Mokva bölgəsində baş verən dağıdıcı daşqınlara görə dərin kədər hissimizi çatdırır, həyatını itirənlərin ailələrinə və Nigeriya xalqına başsağlığı veririk.”

  Nigerin şimal-mərkəzi bölgəsində yerləşən Mokvada baş verən şiddətli daşqınlar nəticəsində ölənlərin sayı 150-ni keçib.

  “Bu günə qədər ölü sayı 151-dir”, - deyə Nigeriya Dövlət Fövqəladə Hallar İdarəsinin (NSEMA) sözçüsü İbrahim Hüseyni bildirib.

  28 may gecəsi başlayan və ayın 30-una qədər davam edən güclü yağışlara görə 3018 adam evsiz qalıb, 503 ailə və 265 ev zərər çəkib.

  Fəlakət geniş miqyaslı dağıntılara səbəb olub, evləri, infrastrukturu, yolları və iki körpünü məhv edib.