Türkiyə prezidenti administrasiyasının ictimaiyyətlə əlaqələr idarəsinin rəhbəri Burhanəddin Duran oktyabrın 7-də (bu gün) Qəəzada davam edən soyqırımın ikinci ilində, 67 min nəfərdən çox insanın həyatını itirdiyi faciəni anmaq məqsədilə etdiyi açıqlamada, İsrailin Qəzzadakı qətliamını sistematik soyqırım və işğal həqiqəti kimi qiymətləndirib.

Bu barədə B.Duran yerli sosial media platforması “NSosyal”da etdiyi paylaşımda yazıb: “Yaşanan bu faziə təkcə Fələstin xalqının tragediyası deyil, həm də beynəlxalq ictimaiyyəti, hüququn və insanlıq dəyərlərinin sorğulandığı utancverici bir hadisədir”.

Dövlət rəsmisi B.Duran həmçinin beynəlxalq ictimaiyyətin susqunluğunu ədalət mexanizmlərinin çökməsi kimi qiymətləndirib. B.Duran bildirib ki, İsrailin 7 oktyabr 2023-cü il tarixində Qəzzaya başlatdığı hücumların və ardınca tətbiq etdiyi soyqırımın ikinci ildönümüdür.

“Bombardmanlar, blokada və sistematik dağıntılar on minlərlə mülki şəxsin, qadınların və uşaqların həyatına son qoydu. Dünyanın gözü qarşısında bir xalq yaşadığı torpaqlardan, ən fundamental həyat hüquqlarından məhrum edildi. Qəzzada baş verənlər bir müharibə deyil; sistematik şəkildə aparılan soyqırım və işğal həqiqətidir”, - B.Duran çıxışında qeyd edib.

O, Türkiyənin bu həqiqəti əvvəldən açıq şəkildə dilə gətirdiyini, ədalətin, insan ləyaqətinin və məzlumların yanında olduğunu vurğulayaraq deyib: “Cənab prezidentimiz Rəcəb Tayyib Ərdoğanın rəhbərliyi ilə həm diplomatik platformalarda, həm də humanitar yardım sahəsində bu mövqe qətiyyətlə davam etdirilir. Fələstinlilərin səsi eşidilənə, ədalət bərqərar olana qədər bu mübarizə davam edəcək.”

Bundan əlavə, B.Duran bölgədə davam edən humanitar böhranı vurğulayan “Bitməyən Soyqırım: Qəzza” adlı video paylaşıb.