Türkiyənin Milli Kəşfiyyat Təşkilatının (MİT) terror təşkilatı DEAŞ-a qarşı keçirdiyi əməliyyat nəticəsində təşkilatın qondarma Türkiyə vilayəti strukturunda fəaliyyət göstərən və sarı bültenlə axtarışda olan "Abdüsselam Türki" ləqəbli Talip Gülər yaxalanaraq Türkiyəyə gətirilib.
Təhlükəsizlik mənbələrindən əldə edilən məlumata görə, MİT DEAŞ terror təşkilatının "Faruk Ofisi" kimi tanınan Türkiyə vilayəti strukturuna qarşı əməliyyat təşkil edib.
Aparılan kəşfiyyat işləri nəticəsində "Abdüsselam Türki" ləqəbli Talip Gülərin 2021-ci ildən əvvəl DEAŞ-ın qondarma "Türkiyə vilayəti məsulu" və "Faruk Ofisi"nin qondarma maliyyə məsulu kimi fəaliyyət göstərən və 2021-ci ildə keçirilən əməliyyatla Türkiyəyə gətirilən Kasım Gülerin qardaşı olduğu müəyyən edilib.
Həyata keçirilən tədbirlər nəticəsində sarı bültenlə axtarılan Talip Gülərin 2014-cü ilin yanvar ayında qanunsuz yollarla Suriyaya keçdiyi müəyyən olunub. Talip Gülərin Suriyadakı fəaliyyətini başda böyük qardaşı Kasım Gülər olmaqla, təşkilatın digər məsul şəxsləri ilə əlaqəli şəkildə yürütdüyü müəyyən edilib.
Terror təşkilatı DEAŞ-ın qondarma "Türkiyə vilayəti məsulu" Kasım Gülərin yaxalanmasından sonra qardaşı Talip Gülər barəsində də araşdırmaları dərinləşdirən MİT fəaliyyətini addım-addım təqib etdiyi terrorçunun münaqişə bölgələrindən Türkiyəyə gətirilməsini təmin edib.
Türkiyəyə gətirilən Talip Gülər ifadəsində təşkilat adından yürütdüyü fəaliyyətləri etiraf edib.
Talip Gülər ifadəsində Türkiyədəki radikallaşma prosesi, qaçaq yollarla Suriyaya keçməsi, DEAŞ-a qoşulması və keçmiş dövrdə qondarma maliyyə məsulu kimi fəaliyyət göstərən qardaşı Kasım Gülər ilə birlikdə təşkilat daxilində həyata keçirdiyi fəaliyyətlərə dair detalları danışıb.
MİT tərəfindən yürüdülən bu işlər nəticəsində terror təşkilatı DEAŞ-a qarşı Türkiyəyə yönəlmiş fəaliyyət planlarının qarşısının alınması, təşkilatın yeni üzvlər qazanmaq cəhdlərinin ifşa edilməsi və terror planlarının ələ keçirilməsi istiqamətində qətiyyətli mübarizənin davam etdirildiyi bildirilib.
