Türkiyənin şimal-qərbində yerləşən Troya antik şəhərində qazıntı işləri aparan arxeoloqlar 4500 illik qızıl broş və broşla yanaşı, eyni təbəqədə bürünc iynə və son dərəcə nadir yaşma daşı da aşkar ediblər.

Bununla bağlı açıqlama verən Türkiyənin mədəniyyət və turizm naziri Mehmet Nuri Ersoy əsərlərin arxeologiya dünyası üçün ən mühüm kəşflər sırasında olduğunu vurğulayıb.

Troya Muzeyinin tapıntılara ev sahibliyi edəcəyini deyən Ersoy bildirib ki, dünyada məlum olan cəmi 3 nümunədən ən yaxşı qorunmuş olan bu broş son 100 ilin ən mühüm tapıntılarından biridir. II Troya şəhərinin təbəqələrindən tapılan bu əşya eramızdan əvvəl təxminən 2500-cü illərə aiddir. Yaşma daşı isə 4 min 500 il əvvəlki lüks istehlak məhsullarından biri kimi diqqət çəkir. Bu unikal əsərlər tezliklə Troya Muzeyində sərgilənəcək.

Əsərlər Çanaqqaladakı Troya muzeyində sərgilənəcək.

Troya II yaşayış təbəqəsində aşkar edilən əsərlər təxminən eramızdan əvvəl 2500-cü ilə aiddir. Nazirlik bildirib ki, bu tapıntı II Troya dövrünün başlanğıcı ilə bağlı uzun müddətdir davam edən mübahisələrə işıq salır.

Ersoy qeyd edib ki, yaşma daşı təxminən 4500 il əvvəl lüks bir əşya sayılırdı. Bu iki parça eyni təbəqədən tapılan tunc sancaqla birlikdə Çanaqqala Troya muzeyində sərgilənəcək.

160 ildən artıqdır ki, arxeoloqlar Homerin dastanlarında, “İliada” və “Odisseya”da əbədiləşdirilmiş qədim Troya şəhərini tədqiq edirlər. 1998-ci ildən YUNESKO-nun Ümumdünya İrsi sayıhısına salınan Troya erkən Anadolu şəhərləşməsi və ticarəti haqqında əhəmiyyətli fikirlər təqdim edən dünyanın ən əhəmiyyətli arxeoloji ərazilərindən biri hesab olunur.

Nazirlik kəşflərin “məskunlaşdıqları torpaqlarda tarixə işıq salacağını” və eksponatların ilkin yerində sərgilənmə prinsipinə uyğun olaraq sərgilənəcəyini bildirib.