ABŞ Prezidenti Donald Tramp Türkiyə Prezidenti Rəcəb Tayyib Ərdoğana hörmət əlaməti olaraq Ankarada keçiriləcək NATO sammitində iştirak edəcəyini bəyan edib.

Türkiyəni Şimali Atlantika Alyansının ən mühüm hərbi güclərindən biri kimi xarakterizə edən ABŞ lideri bu ölkənin hərbi potensialının əksər vaxtlarda lazımi dərəcədə qiymətləndirilmədiyini vurğulayıb. O, rəsmi Ankaranın geniş hərbi-texniki arsenalına və Vaşinqtonla mövcud olan köklü müdafiə əlaqələrinə xüsusi diqqət çəkib.

Ankaranın ‘‘F-35’’ qırıcı təyyarələri və hərbi mühərriklərin tədarükü ilə bağlı tələblərinə toxunan Donald Tramp Türkiyənin ABŞ tərəfini "çox məmnun edəcək" addımlar atmasının gözlənildiyini ifadə edib.

Qeyd edək ki, NATO-nun baş katibi Mark Rutte də Türkiyənin nəhəng müdafiə sənayesi infrastrukturuna sahib olduğunu qeyd edib.

Xatırladaq ki, Türkiyə iyulun 7-8-də paytaxt Ankarada keçiriləcək sammit çərçivəsində NATO liderlərini qəbul etməyə hazırlaşır.