İndoneziyanın xarici işlər naziri Sugiono və Çinin xarici işlər naziri Vanq Yi paytaxt Cakartada bir araya gəliblər. Görüşdə tərəflər arasında müdafiə sahəsində əməkdaşlıq və enerji təhlükəsizliyi məsələləri müzakirə olunub.

Danışıqlardan sonra keçirilən birgə mətbuat konfransında İndoneziya XİN rəhbəri Sugiono bildirib ki, əsas məqsəd iki ölkə arasında siyasi, iqtisadi və təhlükəsizlik sahələrində münasibətləri daha da inkişaf etdirməkdir.

Çin xarici işlər naziri Vanq Yi isə beynəlxalq ədalətin və inkişaf etməkdə olan ölkələrin maraqlarının qorunmasının vacibliyini vurğulayıb.