BMT-nin konfransında çıxış edən Yaponiyanın xarici işlər naziri deyib ki, Fələstinin tanınması “olub-olmaması deyil, nə vaxt olacağı məsələsidir”.
Yaponiya xəbərdarlıq edib ki, əgər İsrail Fələstində iki dövlətli həll yolunu əngəlləyən addımlar atsa, “yeni tədbirlər və cavab verməyi ” nəzərdən keçirəcək.
Nyu-Yorkda BMT-nin Fələstin konfransında çıxış edən xarici işlər naziri Takeşi İvaya “Yaponiya Fələstin xalqının öz müstəqil dövlətini qurmaq istəyini tam dəstəkləyir” deyib.
O, əlavə edib ki, "İsrail iki dövlətli həllin reallaşmasına mane olan növbəti addımlar atsa, Yaponiya yeni və cavab tədbirləri görməyə məcbur olacaq".
Tokionun uzun müddətdir ki, iki dövlətli həll yolunu dəstəklədiyini vurğulayan İvaya "Ölkəm üçün Fələstin Dövlətinin tanınması məsələsi, olub-olmaması deyil, nə zaman olacağı məsələsidir" deyib.
Qeyd edə ki, Avstraliya, Kanada, Böyük Britaniya, Fransa, Belçika və bir çox digər ölkələrin son həftələrdə Fələstini rəsmən tanımasına baxmayaraq, Yaponiya indiyədək tanınma çağırışlarına müqavimət göstərib.
Kritik mərhələ
İvaya "Qəzzada humanitar böhranın kəskin şəkildə pisləşməsi, İordan çayının qərb sahilində qeyri-qanuni məskunlaşma fəaliyyətlərinin genişləndirilməsi və ilhaq istiqamətində hərəkət tamamilə qəbuledilməzdir" deyib.
O əlavə edib ki, Yaponiya bu hərəkətləri qətiyyətlə pisləyir və İsraili bütün bu cür birtərəfli təcrübələrə dərhal son qoymağa çağırır. Vəziyyət “iki dövlətli həllin əsasını təhdid edən kritik və həyəcanverici dönüş nöqtəsinə” çatıb.
Yaponiyanın İsrail tərəfindən işğal olunmuş İordan çayının qərb sahilinin yenidən qurulmasına "konkret töhfələrini" vurğulayan İvaya Tokionun "hərtərəfli danışıqları daha da ciddi şəkildə davam etdirəcəyini" bildirərək, Fələstinin "İsrail ilə dinc və davamlı şəkildə birlikdə yaşamaq" qabiliyyətinə malik olmasının vacibliyini vurğulayıb.
Keçən iyul ayında Yaponiya işğal altındakı İordan çayının qərb sahilində fələstinlilərə qarşı zorakılıqda iştirak etdiklərinə görə dörd israilli mühacirə qarşı ilk sanksiyalarını tətbiq etdi.
Konfrans BMT Baş Assambleyasının 80-ci sessiyasının açılışından bir gün əvvəl və BMT müstəntiqlərinin İsrailin 2023-cü ilin oktyabrından bu yana 65 300-dən çox fələstinlini qətlə yetirdiyi Qəzzada soyqırım törətdiyi qənaətinə gəlməsindən bir gün sonra baş tutub.
