Qırğızıstanın paytaxtı Bişkekdə fəaliyyət göstərən Qırğızıstan-Türkiyə Manas Universitetinin (KTMÜ) ev sahibliyi ilə "VI Beynəlxalq Türk Dünyası Kommunikasiya və Sənət Simpoziumu" başlayıb.

Türk dünyasının geniş coğrafiyasından olan alimləri, jurnalistləri, prodüserləri, rejissorları və mədəniyyət-sənət dünyasının mühüm simalarını bir araya gətirən simpoziumda Türk dünyasında süni intellektdən dezinformasiyaya, rəqəmsallaşan mediadan kinoya, ictimai yayımçılıqdan ictimai diplomatiyaya, kinodan vizual sənətə qədər, həmçinin sosial kimliyin və ənənəvi mədəniyyətin rəqəmsal dövrdəki transformasiyası kimi sahələrdə aktual mövzular müzakirə olunacaq.

XI Türk Dünyası Sənədli Film Festivalının mükafatları təqdim edilib

Tədbir çərçivəsində Türk Dünyası Jurnalistlər Federasiyası tərəfindən bu il ilk dəfə təşkil edilən "Türk Dünyası Mədəniyyət və Sənət Uğur Mükafatları" da öz təqdim edilib.

Tədbirdə həmçinin XI Türk Dünyası Sənədli Film Festivalında mükafata layiq görülən tələbə və ustad rejissorlara mükafatları təqdim edilib, mükafat qazanan filmlərin nümayişi keçirilib.