Prezident Si bildirib ki, Qəzzanın mühabirədən sonrakı administrasiyası və yenidən qurulması "Fələstini fələstinlilərin idarə etməsi" prinsipinə uyğun olmalı və Fələstin xalqının iradəsinə hörmətlə yanaşmalıdır.
Dövlət mediasının məlumatına görə, Çin prezidenti Si Cinpin Qəzzada dərhal və daimi atəşkəs elan edilməsini və beynəlxalq ictimaiyyəti Fələstin xalqının qanuni hüquqlarını dəstəkləmək üçün səylərini artırmağa çağırıb.
"Xinhua" xəbər agentliyinin məlumatına görə, Fələstin Xalqı ilə Beynəlxalq Həmrəylik Gününü qeyd etmək üçün keçirilən BMT iclasına təbrik mesajında Si bildirib ki, Fələstin məsələsi Yaxın Şərq münaqişəsinin mərkəzindədir və beynəlxalq bərabərliyə, ədalətə və regional sabitliyə təsir göstərir.
Si bildirib ki, BMT Təhlükəsizlik Şurasının daimi üzvü olaraq, Çin Fələstin xalqının qanuni milli hüquqlarını bərpa etmək uğrunda mübarizəsini qətiyyətlə dəstəkləyir. Qəzzadakı böhran beynəlxalq ictimaiyyətdən gərginliyin daha da artmasının qarşısını almaq və zorakılığın yenidən baş verməsinin qarşısını almaq üçün daha "proaktiv addımlar" atmağı tələb edir.
"Fələstin fələstinlilər tərəfindən idarə olunmalıdır"
Si əlavə edib ki, münaqişədən sonrakı idarəetmə və Qəzzanın yenidən qurulması "Fələstin fələstinlilər tərəfindən idarə olunmalıdır" prinsipinə uyğun olaraq, Fələstin xalqının iradəsinə tam hörmətlə və region ölkələrinin qanuni narahatlıqlarını nəzərə alaraq həyata keçirilməlidir.
Uzunmüddətli həll yollarına ehtiyac olduğunu vurğulayan Si iki dövlətli həllin hərtərəfli və davamlı sülhə nail olmağın əsas yolu olduğunu bir daha təkrarlayıb.
Qəzzada humanitar vəziyyətin sürətlə yaxşılaşdırılmasının və Fələstin xalqının əzablarına son qoyumasının vacibliyini vurğulayan Si deyib ki, Fələstin məsələsi həm də qlobal idarəetmə sisteminin effektivliyinin sınağıdır.
O, ölkələri Fələstin məsələsinin əsas səbəbləri ilə üzləşməyə, məsuliyyəti öz üzərinə götürməyə, güclü tədbirlər görməyə, tarixi ədalətsizlikləri düzəltməyə və haq və ədaləti qorumağa çağırıb.
