ABŞ nümayəndələrinin Qırmızı dənizdə artan gərginlik və naviqasiya təhlükəsizliyini müzakirə etmək üçün Omanda husilərin nümayəndələri ilə görüş keçirdikləri irəli sürülüb.

"Axios" nəşrinin məlumata görə, görüş ötən həftəsonu ABŞ-nin Maskatdakı səfirliyində baş tutub.

Danışıqlar zamanı ABŞ tərəfinin 2025-ci ilin mayında əldə olunan atəşkəs razılaşmasının qüvvədə saxlanılmasını və qlobal ticarət üçün həyati əhəmiyyət daşıyan Bab əl-Məndəb boğazının açıq tutulmasını tələb etdiyi qeyd olunur.

Ötən ilin may ayında əldə olunan atəşkəsə sadiq qaldıqlarını bəyan edən husilər isə hücumlar zamanı yalnız Səudiyyə Ərəbistanına məxsus gəmilərin hədəf alındığını vurğulayıblar.