Türkiyə Əlcəzairdəki meşə yanğınlarında insan itkisi ilə bağlı dərin kədərini bildirib.

Əlcəzairin şərqində baş verən yanğınlarda on iki nəfər həyatını itirib.

Türkiyə Əlcəzairin müxtəlif bölgələrində baş verən meşə yanğınları nəticəsində qeydə alınan insan itkisi ilə bağlı dərin kədər duyduğunu bildirib.

Xarici İşlər Nazirliyinin yaydığı açıqlamada həyatını itirənlərin ailələrinə və Əlcəzair xalqına başsağlığı verilib.

Bəyanatda deyilib: "Əlcəzairin müxtəlif əyalətlərində baş verən meşə yanğınları nəticəsində insan itkisi ilə bağlı dərin kədər hissi keçiririk".

Qeyd edək ki, ölkənin şərq əyalətlərində baş verən meşə yanğınlarında 12 nəfərin həyatını itirdiyi bildirilib.