Türkiyə Prezidenti Rəcəb Tayyib Ərdoğan Misirdə ‘‘Həmas’’ və İsrail nümayəndələri arasında aparılan danışıqlardan sonra Qəzzada atəşkəsin əldə olunmasından məmnun olduğunu bildirib.
Prezident R.T.Ərdoğan açıqlamasında İsrail hökumətinin atəşkəsə təşviq edilməsində zəruri siyasi iradə göstərən ABŞ prezidenti Donald Trampa, həmçinin razılaşmanın əldə olunmasına dəstək verən Qətər və Misirə təşəkkürünü bildirib.
Ərdoğan Türkiyənin razılaşmanın ciddi şəkildə icrasını yaxından izləyəcəyini və prosesə töhfə verməyə davam edəcəyini vurğulayıb.
O, həmçinin qeyd edib ki, 1967-ci il sərhədlərinə əsaslanan, paytaxtı Şərqi Qüds olan müstəqil, suveren və coğrafi bütövlüyə malik Fələstin dövləti qurulana qədər mübarizəni davam etdirəcəklər.
Prezident Ərdoğan son iki ildə böyük əzab və ağrı-acılarla üzləşən fələstinlilərlə həmrəy olduğunu bildirərək çətin şəraitə baxmayaraq göstərdikləri müqavimətə görə minnətdarlığını ifadə edib.
