Çinin xarici işlər naziri Pekində portuqaliyalı həmkarı ilə görüşüb və qlobal ticarət gərginliyinin artdığı bir vaxtda Çin və Avropa arasında əlaqələri gücləndirməyə çağırıb.

Çinin xarici işlər naziri Vanq Yi Portuqaliyanın xarici işlər naziri Paulo Rangel ilə görüşündə bildirib ki, rəsmi Pekin Çin-Avropa əlaqələrini inkişaf etdirmək üçün Portuqaliya ilə birlikdə işləmək istəyir. Çərşənbə axşamı Çinin xarici işlər nazirliyinin bəyanatına görə, Vanq deyib: "Biz Avropaya önəmli müttəf kimi baxırıq və onun strateji müstəqilliyini qoruması tərəfdarıyıx".

Xarici işlər naziri Rangelin Çinə gəlişi Portuqaliya dövlətinin son beş il ərzində ilk yüksək səviyyəli səfəridir. İki ölkə arasında qurulan bu əlaqə Avropa Birliyinə üzv ölkələrin həm Vaşinqton, həm də Pekinlə ticarət müharibəsi ehtimalından narahat olduğu bir vaxta təsadüf edib.

ABŞ prezidenti Tramp administrasiyasının transatlantik əlaqələri və qlobal ticarəti sarsıtması ehtimalı Pekin və Avropanı bir-birinə yaxınlaşdırır.

Belə ki, Rangel ilə yanaşı, Fransanın xarici işlər naziri və İtaliya senatının sədri də bu həftə Çinə səfər edərək rəsmilər ilə görüşlər keçirəcəkləri bildirilir.

Qeyd edək ki, ABŞ-ı ən böyük ixrac bazarı olaraq hesab edən Portuqaliya keçən il Aİ-nin Çin istehsalı olan elektrikli avtomobillərə gömrük rüsumları tətbiq etmək qərarında bitərəf qaldı və ölkəni Çin sərmayəsinə açıq saxladı.