Keçən həftə İran Qızıl Aypara Cəmiyyətindən gələn müraciət əsasında Türkiyə Qızıl Aypara Cəmiyyəti 48 ton humanitar yardım daşıyan dörd yardım yük maşınını İrana göndərib.
Beynəlxalq Qızıl Xaç və Qızıl Aypara Cəmiyyətləri Federasiyası (IFRC) Türkiyədən İrana çatan ilk transsərhəd tibbi ləvazimatdan sonra İrana əlavə yardımların göndərilməsini planlaşdırdığını açıqlayıb.
Cenevrədə jurnalistlərə açıqlama verən IFRC sözçüsü Tommaso Della Longa konvoyun aprelin 10-da Ankaradan yola düşdüyünü, aprelin 12-də İrana daxil olduğunu və bunun "münaqişənin başlamasından bəri həyata keçirilən ilk transsərhəd tibbi ləvazimat daşımalarından biri" olduğunu bildirib.
Türkiyə Qızıl Aypara Cəmiyyəti ilə koordinasiyalı şəkildə çatdırılan yardıma kritik vəziyyətlərdə sürətli, həyat xilas edən müdaxiləni təmin etmək üçün nəzərdə tutulmuş qabaqcıl travma dəstləri daxil edilib.
Della Longa İrana yönəlmiş humanitar təchizat xətlərinin "ciddi şəkildə pozulduğunu", bunun da yardım təşkilatlarını Türkiyənin şərqindən quru yolu ilə ləvazimat daşımağa məcbur etdiyini qeyd edib.
"İlk çatdırılmadan əlavə, bunun İrana daha çox yardımın çatmasının başlanğıcı olacağına ümid edirik," -deyə Della Longa bildirib,. "Növbəti tibbi yardımlar göndərmək üçün planlarımız var, buna görə də burası mühüm yardım dəhlizinə çevrilə bilər, çünki növbəti addımın nə olacağını və ənənəvi xətlərin nə vaxt həqiqətən açılacağını bilmirik".
Della Longa bu əməliyyatı "İran Qızıl Ayparasının həyat qurtarmaq fəaliyyətini dəstəkləmək üçün kritik bir ilk addım" kimi xarakterizə edib.
Sözçü həmçinin xüsusilə səhiyyə və psixoloji dəstək sahələrində böyük yardım ehtiyacının olduğunu, IFRC-nin davam edən münaqişələrdən zərər çəkmiş 5 milyon insan üçün həyat qurtarmaq üçün yardımı artırmaq məqsədilə təcili yardım çağırışını 153 milyon dollardan yuxarı qaldırdığını, lakin hələ də ciddi maliyyə çatışmazlığının olduğu barədə xəbərdarlıq edib.
Keçən həftə Türkiyə Qızıl Aypara Cəmiyyəti, İran Qızıl Ayparasının müraciəti ilə İrana 48 ton humanitar yardım daşıyan dörd yardım yük maşını göndərmişdi.
