Böyük Britaniyanın Baş naziri Kir Starmer Türkiyəyə səfər edib.
Türkiyə Prezidenti Rəcəb Tayyib Ərdoğan Böyük Britaniyanın Baş naziri Kir Starmeri Prezident İqamətgahında rəsmi mərasimlə qarşılayıb.
Mərasimdən sonra Prezident Rəcəb Tayyib Ərdoğan və Baş nazir Kir Starmer nümayəndə heyətlərini bir-birinə təqdim ediblər. Tərəflər ikitərəfli görüşdən sonra əməkdaşlıq barədə müqavilələrin imzalanma mərasimində iştirak edəcəklər. Rəcəb Tayyib Ərdoğan və Kir Starmer daha sonra birgə mətbuat konfransında çıxış edəcəklər.
Qeyd edək ki, mərasimdə xarici işlər naziri Hakan Fidan, milli müdafiə naziri Yaşar Gülər, Prezident Aparatının baş katibi Hakkı Susmaz, Türkiyənin Böyük Britaniyadakı səfiri Osman Koray Ertaş, Türkiyə Prezident Administrasiyasının İctimaiyyətlə Əlaqələr İdarəsinin rəhbəri Burhanəddin Duran və Türkiyə Prezidentinin xarici siyasət və təhlükəsizlik məsələləri üzrə müşaviri Akif Çağatay Kılıç da iştirak ediblər.
