Türkiyə idmanının əfsanəvi güləşçisi, 36 yaşlı Rıza Kayaalp Albaniyanın paytaxtı Tirana şəhərində keçirilən çempionatda yunan-Roma güləşi üzrə 130 kq çəki dərəcəsinin finalında macarıstanlı Darius Attila Vitek üzərində 7:1 hesabı ilə qələbə qazanaraq çempion olub. Beləliklə də R.Kayaalp Avropa çempionatlarında 13 qızıl medal qazanan ilk güləşçi kimi tarixə düşüb.

Qeyd edək ki, idmançı indiyədək 15 Avropa çempionatı finalında iştirak edərək ümumilikdə 13 qızıl və iki gümüş medal əldə edib.

R.Kayaalp həmçinin Olimpiya Oyunlarında bir gümüş və iki bürünc olmaqla ümumilikdə üç medal qazanıb.