ABŞ və İsrailin İrana qarşı hücumlarında həyatını itirən Əli Xameneinin vida və dəfn mərasimində Rusiya, Çin, Pakistan, Hindistan, Gürcüstan və Kuba da daxil olmaqla 30-dan çox ölkədən liderlər, yüksək səviyyəli rəsmilər və nümayəndələr iştirak edəcək.

Fevralın 28-də ABŞ və İsrailin birgə hücumu nəticəsində suikast qurbanı olan İranın keçmiş ali rəhbəri Əli Xameneinin tabutu vida mərasimi üçün paytaxt Tehrana gətirilib.

Xameneinin suikast nəticəsində öldürülməsi Yaxın Şərqdə həftələrlə davam edən qarşıdurmalara və gərginliyin artmasına səbəb olmuşdu.

Təşkil olunacaq rəsmi mərasimə Rusiya, Çin, Hindistan və Gürcüstan da daxil olmaqla 30-dan çox ölkədən lider və nümayəndələrin qatılacağı gözlənilir. Pakistan Baş naziri Şahbaz Şərifin də iyulun 4-də keçiriləcək dəfn mərasimində iştirakı planlaşdırılır.

İran İslam İnqilabı Keşikçiləri Korpusunun (SEPAH) baş komandanı və İranın ABŞ ilə danışıqlardakı mövqeyinin formalaşmasında kilit rol oynayan general Əhməd Vahidi Xameneinin tabutunun yanında dayanarkən görüntülənib.

Müctəba Xamenei atasının vəfatından sonra İranın üçüncü Ali Rəhbəri olaraq vəzifəni təhvil alıb.

Xamenei ilə vida mərasimləri əvvəlcə Tehran və Qumda, daha sonra isə İraqın Bağdad, Nəcəf və Kərbəla şəhərlərində keçiriləcək. Dəfn mərasimi isə iyulun 9-da Məşhəddəki İmam Rza türbəsində baş tutacaq.

Digər tərəfdən, İran və ABŞ Pakistan və Qətərin vasitəçiliyi ilə Dohada bir sıra dolayı danışıqları yekunlaşdırıb.

Danışıqların məqsədi iyun ayında razılaşdırılan 60 günlük atəşkəsi möhkəmləndirmək və münaqişəni tamamilə sona çatdıracaq çərçivə formalaşdırmaqdır.