19-cu əsr Osmanlı rəssamı Osman Həmdi bəyin bu yaxınlarda yenidən kəşf edilən rəsmi Londonda hərracda 1 milyon funta satılaraq kolleksiyaçılar və qurumların böyük marağına səbəb olub.

  1881-ci ildə çəkilmiş “Qəhvə hazırlamaq” şəkli bir əsrdən çoxdur Avropada şəxsi kolleksiyalarda gizləndikdən sonra üzə çıxıb. Əsər o vaxt məşhur fotoqraflar Jan Paskal Sebah və Polikarpe Joailyenin çəkdiyi ağ-qara fotoşəkil sayəsində tanınıb.

  Bu satış 50 əsərin sürətlə satıldığı hərracda ən yüksək dəyərə malik iş sayılıb. Rəsm aprelin 27-də telefon vasitəsilə anonim bir alıcı tərəfindən alınıb.

  Əsər ilk dəfə 1910-cu ildə gürcü sənət kolleksiyaçısı Şahzadə Sadik Yadigarov tərəfindən alınıb, daha sonra onun oğlu Arçildə olub. 1930-cu illərdə Arçilin qohumu olan vyanalı bir şəxsi kolleksiyaçıya verilib və 2008-ci ilə qədər bu ailədə qalıb. O vaxtdan bəri Avstriya şəxsi kolleksiyasında saxlanılan bu rəsm yaxınlarda yenidən üzə çıxıb.

  Şəkildə İstanbulun Topqapı Sarayında xəyali hərəm kompleksini xatırladan, zəngin çinilərlə bəzədilmiş, sütunlu interyerdə qurulmuş səhnədə iki gənc qadın ritual qəhvə hazırlayarkən əks olunub.

  Rəsim “Sotheby's” kataloqunda “ləl-cəvahirat dəbdəbəli təəssürat" yaradır.

  Möhtəşəm bir Osmanlı ailəsində doğulan Həmdi bəy 1860-cı illərin əvvəllərində hüquq təhsili almaq üçün Parisə göndərilib, lakin orada rəssamlıq və arxeologiya ilə maraqlanıb. Qərb sənəti üsullarından istifadə edərək Şərq mövzularını çəkən Həmdi bəy 19-cu əsr müsəlman mədəniyyətini dərindən dərk edərək Osmanlı həyatını nəzakət və hörmətlə təsvir edib.