Türkiyə Prezidenti Administrasiyasının İctimaiyyətlə Əlaqələr İdarəsinin rəhbəri Burhanəddin Duran Türkiyə, Səudiyyə Ərəbistanı və Pakistan arasında imzalanan üçtərəfli müdafiə müqaviləsinin strateji əməkdaşlığı gücləndirdiyini, kollektiv təhlükəsizliyi və hərbi qarşılıqlı fəaliyyəti artırdığını bildirib.

Burhanəddin Duran "NSosyal" sosial media platformasında etdiyi paylaşımda qeyd edib:

"Məkkə müdafiə sazişi heç bir ölkəni hədəf almır. Bu saziş üç ölkənin ortaq təhlükəsizliyini və kollektiv çəkindirməsini gücləndirəcək, müdafiə sənayesi əməkdaşlığını və hərbi qarşılıqlı fəaliyyətini inkişaf etdirəcək, bölgəmizdə sülhün və sabitliyin qorunmasına əhəmiyyətli töhfələr verəcək.

Bu saziş ölkələrin ortaq tarixini, dərin köklü qardaşlıq əlaqələrini və strateji həmrəylik iradəsini möhkəmləndirən tarixi bir addımdır".

O, həmçinin vurğulayıb ki, Prezident Rəcəb Tayyib Ərdoğanın rəhbərliyi ilə güclənən Türkiyə mürəkkəbləşən qlobal təhlükəsizlik mühitində dost və qardaş ölkələrlə strateji əməkdaşlıq çərçivəsində regional və qlobal sülhə, təhlükəsizliyə və sabitliyə töhfə verməkdə qərarlıdır.

Burhanəddin Duran əlavə edib ki, nümayiş etdirilən bu güclü iradə çətin anlarda çiyin-çiyinə dayanaraq gələcək təhlükəsizlik arxitekturasını həmrəylik içində qurmaq əzmində olan qardaş xalqların konkret təzahürüdür.