Rəsmilər bölgənin bəzi ərazilərində elektrik kəsintiləri barədə məlumat veriblər. İşçi qrupunun genişmiqyaslı ziyanı qiymətləndirdiyi və təcili təmir işlərinə başladığı bildirilib.
Enerji şirkəti DTEK Ukraynanın cənubundakı Qara dəniz bölgəsindəki Odessada elektrik stansiyasına Rusiyanın hücumunun ciddi maddi ziyana səbəb olduğunu açıqlayıb.
DTEK tərəfindən verilən açıqlamada bildirib ki, stansiyaya ciddi ziyan dəyib. Avadanlıqların yenidən işə salınması üçün təmir işləri uzun müddət çəkəcək.
Bölgənin qubernatoru Oleq Kiper əvvəllər bölgədəki bəzi yaşayış məntəqələrində qismən elektrik enerjisi kəsildiyini bildirmişdi. Kiper "Telegram" paylaşımında bildirib ki, düşmən gecə Odessa vilayətinin enerji infrastrukturuna daha bir qorxaqcasına hücum edib.
Kiper qeyd edib ki, vacib infrastruktur obyektləri generatorlarla işləməyə davam edir və elektrik təchizatını bərpa etmək üçün işlər görülür.
Moskva oktyabr ayından bəri Ukraynanın elektrik şəbəkəsinə və digər enerji infrastrukturuna hücumlarını artırıb. Bu vəziyyət milyonlarla insanı donma temperaturunda elektriksiz və istiliksiz qoyub. Odessa şəhəri və ətrafı tez-tez bu hücumların hədəfinə çevrilir.
