İsraildə parlament seçkilərində səslərin 84.5 faizi sayılıb. İlkin nəticələrə əsasən, tərəflərin heç biri hökumət qura bilmir. Əldə olunan nəticələrə görə, nə Baş nazir Benyamin Netanyahunun rəhbərlik etdiyi hakim blok, nə də Qadi Eyzenkotun müxalifət aliansı tələb olunan 61 mandatlıq çoxluğu toplaya bilib.

İlkin nəticələrə görə, hakim blok parlamentdə 54 yer, müxalifət bloku isə 49 yer qazanıb. Məlumata görə, Benyamin Netanyahunun rəhbərlik etdiyi "Likud" partiyası 27, "Şas" partiyası 7, "Birləşmiş Tövrat Yəhudiliyi" 7, ifrat sağçı "Yəhudi Gücü" 7 və "Dini Sionizm" partiyası isə 6 mandat qazanıb.

Müxalifət cəbhəsində isə Qadi Eyzenkotun "Yaşar" partiyası 22 yer əldə edərək parlamentdə ikinci ən böyük qüvvəyə çevrilib. Keçmiş baş nazirlər Naftali Bennet və Yair Lapidin "Birgə Siyahı"sı 12, Yair Golanın "Demokratlar" partiyası 8, Aviqdor Libermanın "İsrail Evimiz" partiyası isə 7 yerə sahib olub.

Ərəb partiyaları - "Birləşmiş Siyahı" və "RAAM" - ümumilikdə 17 yer əldə edir.