Avropa İttifaqına üzv dövlətlər İttifaqın müdafiə sektorunu gücləndirmək məqsədilə 150 milyard avro (təxminən 170 milyard dollar) dəyərində Müdafiə Sənayesi üzrə Hazırlıq Kredit Vəsaiti (Security Action for Europe — SAFE) yaratmaq barədə razılığa gəliblər. Ukraynanın Baş naziri Denis Şmıqal ölkəsinin isə rəsmi olaraq tərəfdaş ölkə kimi tanındığını bildirib.
Şmiqal mayın 21-də “X” platformasında verdiyi açıqlamada bu qərarın Ukraynanın Aİ-nin birgə müdafiə təchizatı səylərinə inteqrasiyasına kömək edəcəyini və Ukrayna şirkətləri üçün Avropa təchizat zəncirlərində yeni imkanlar açacağını qeyd edib.
O, bu təşəbbüsü həm Aİ üzv dövlətlərinin, həm də Ukraynanın təhlükəsizliyini gücləndirmək üçün “vacib və təcili” adlandırıb.
“Biz birlikdə daha güclüyük”, -deyə Şmıhal bildirib və Avropa Komissiyasının Prezidenti Ursula fon der Leyenə, eləcə də Polşa və digər Aİ tərəfdaşlarına davamlı dəstəyə görə təşəkkür edib.
SAFE-in qitədə artan geosiyasi gərginliklər və təhlükəsizlik tələblərinə cavab olaraq Aİ daxilində sənaye potensialını gücləndirmək üçün əhəmiyyətli kreditlər təmin etməsi gözlənilir.
Avropa Komissiyası isə bu kreditin tətbiqi üçün dəqiq vaxt qrafiki ilə bağlı hələlik ictimaiyyətə açıqlama verməyib.
