Türkiyə Prezidenti Rəcəb Tayyib Ərdoğan Qətərin keçmiş Əmiri Şeyx Həməd bin Xəlifə Əl-Saninin vəfatı ilə əlaqədar bu ölkəyə səfər edəcək. Prezident Administrasiyasından verilən açıqlamada bildirilir ki, dövlət başçısı bu gün Qətərə yola düşəcək.
Xatırladaq ki, Qətərin 74 yaşlı keçmiş Əmiri Şeyx Həməd bin Xəlifə Əl-Sani dünən vəfat edib. Paytaxt Dohadakı Lusail qəbiristanlığında dəfn olunan keçmiş Əmirin vəfatı ilə əlaqədar ölkədə dörd günlük matəm elan olunub.
Qətəri 1995–2013-cü illərdə idarə edən Şeyx Həməd bin Xəlifə Əl-Sani, 2013-cü ildə hakimiyyəti oğlu Şeyx Təmim bin Həməd Əl-Saniyə təhvil verib.
