Luksor valisi Əbdülmuttalib Amara Qədim Əsərlər Ali Şurasının baş katibi Məhəmməd İsmayıl və misirli arxeoloq Zahi Havassın iştirak etdiyi mətbuat konfransında bildirilib ki, bu mühüm kəşflər 2022-ci ilin sentyabr ayından etibarən bölgədə qazıntı işləri aparan "Zahi Havas Arxeologiya və İrs Fondu" ilə Qədim Əsərlər Ali Şurasına tabe birgə arxeoloji qrupun üç illik fəaliyyəti nəticəsində əldə edilib.
Zahi Havass aşkar edilən tapıntılar arasında, Kraliça Hatşepsutun dəfn məbədinin əsas girişi hesab edilәn "Vadi Məbədi"nin təməl qalıqları və Hatşepsut dövrünə aid nadir və bənzərsiz relyeflərin olduğunu bildirib. Bu relyeflərin Misir muzeylərində çox az nümunəsi olan heykəltəraşlıq sənətinin ən gözəl nümunələrindən olduğu vurğulanıb.
Tapılan relyeflərin, Ramses və 19-cu sülalə (e.ə. 1292-1186) dövründə dağıdılmış Vadi Məbədi xarabalıqlarının ən yaxşı qorunan hissələri olduğu da qeyd edilib.
Bu kəşflər qədim Misir sivilizasiyasının tarixinə mühüm töhfə verir və Luksor ərazisinin nadir artefaktlarla zəngin olduğunu bir daha sübuta yetirir.
