İsrail ordusunun atəşkəsə baxmayaraq Qəzza zolağına təşkil etdiyi hücumlar nəticəsində son 24 saat ərzində daha 9 nəfər həyatını itirib.

Fələstin Səhiyyə Nazirliyindən verilən yazılı açıqlamada İsrailin 2023-cü ilin oktyabr ayından bəri Qəzzaya təşkil etdiyi hücumlarda qeydə alınan insan tələfatı ilə bağlı son göstəricilər bölüşülüb.

Atəşkəsə baxmayaraq İsrail hücumlarının davam etdiyi Qəzzada son 24 saatda biri əvvəllər yaralanmış şəxs olmaqla 9 nəfərin həyatını itirdiyi, 31 nəfərin isə yaralandığı bildirilib.

Qəzzada atəşkəsin qüvvəyə mindiyi 10 oktyabr 2025-ci ildən bəri İsrailin hücumlarında 1 431 nəfərin həyatını itirdiyi, 5 min 26 nəfərin yaralandığı, dağıntılar altından isə 834 nəfərin cəsədinin çıxarıldığı ifadə edilib.

İsrailin 2023-cü ilin oktyabr ayından bu yana Qəzza zolağına təşkil etdiyi hücumlarda ümumi insan itkisinin 74 min 32-yə, yaralı sayının isə 175 min 142-yə yüksəldiyi diqqətə çatdırılıb.

Qəzza zolağında dağıntılar altında hələ də minlərlə nəşin qaldığı qeyd olunur.