ABŞ prezidenti Donald Tramp Rusiya prezidenti Vladimir Putinlə etdiyi telefon danışığından məyusluqla ayrıldığını bildirib. D.Trampın sözlərinə görə, V.Putin Ukraynaya qarşı müharibəni dayandırmaq niyyətində deyil.
D.Tramp iyulun 3-dә Ayova ştatından Vaşinqtona qayıdarkən jurnalistlərə açıqlamasında deyib: “Bu gün prezident V.Putinlə etdiyim danışıq məni çox məyus etdi. Düşünürəm ki, onun dayanmaq niyyəti yoxdur.”
Putinin köməkçisi Yuri Uşakov mәsәlә ilә bağlı bildirib ki, tәrәflәr arasında təxminən bir saat davam edən telefon görüşü zamanı ABŞ-ın Kiyevə silah tədarükünü dayandırması məsələsi gündəmə gəlməyib. Bundan başqa Rusiya tәrәfi bildirib ki, NATO-nun genişlənməsi və Qərbin Ukraynaya verdiyi dəstək, eləcə də Ukraynanın NATO-ya qoşulmaq niyyəti kimi əsas səbəblər həll edilmədikcə münaqişə dayanmayacaq.
V.Zelenski isə Danimarkada jurnalistlərə açıqlamasında bildirib ki, bu həftə ilk dəfə açıqlanan bəzi silah tədarükünün dayandırılması məsələsini D.Tramp ilə müzakirə etməyi ümid edir.
Vaşinqtondan Ayovaya hərəkət edən Amerika prezidenti D.Tramp jurnalistlərə bilidirib ki, Silah tәdarükü tamamilə dayandırılmayıb. Bundan başqa o, keçmiş prezident Co Baydeni Ukraynaya çoxlu silah göndərməklə ABŞ-ın müdafiəsini zəiflətməkdə ittiham edib.
PUA hücumu
Ukrayna rəsmiləri bildiriblər ki, Rusiyanın Kiyev şəhərinә PUA hücumu beş nəfərin ölümünə səbəb olub. Bu hücum, müharibənin gedişində əhəmiyyətli dəyişiklik baş vermədiyini göstərir.
Prezident V.Zelenski isә öz sosial media hesabında Rusiyanın son hücumlarına münasibәt bildirәrәk deyib: “Rusiya bir daha göstərdi ki, müharibəni və terroru dayandırmaq niyyətində deyil.”
Qeyd edәk ki, son həftələrdə Rusiyanın hücumları intensivləşib. AFP məlumat verir ki, Moskva hökümәti iyun ayında Ukraynaya rekord sayda pilotsuz uçuş aparatı və raketlərlə hücum edib. Eyni zamanda, rәsmi Kiyev və Moskva rәhbәrliyi arasında birbaşa sülh danışıqları tamamilə dayanıb.
Ukrayna Xarici İşlər Nazirinin müavini Andrey Sibiqa sosial mediada yazıb: “V.Putin ABŞ-a və müharibəni bitirməyə çağıran hər kəsə qarşı tam bir biganəlik nümayiş etdirir.”
Polşadan D.Trampa çağırış
Polşanın Xarici İşlər Naziri D.Trampa Ukraynaya zenit sursatlarının tədarükünü bərpa etməyə çağırıb. Bu çağırış, Rusiyanın hücumu zamanı Kiyevdəki Polşa səfirliyinin konsulluq bölməsinin zərər görməsindən sonra edilib.
Radoslav Sikorski “X” platformasında paylaşımında yazıb: “Prezident D.Tramp Rusiya prezidenti V.Putin sülh səylərinizi məsxərəyə qoyur. Zəhmət olmasa, Ukraynaya zenit sursatlarının tədarükünü yenidən başladın və təcavüzkara qarşı sərt yeni sanksiyalar tətbiq edin.”
