"#SkinnyTok" həşteqinin "TikTok" tərəfindən qadağan edilməsi sosial şəbəkənin gənc istifadəçilər arasında zərərli bədən təsviri məzmununu təbliğ etməsilə bağlı Avropada narahatlığı artırıb.
"TikTok" Fransa hökumətinin təzyiqindən sonra həddindən artıq arıqlığı tərifləyən və zərərli arıqlama məzmununu təbliğ edən "#SkinnyTok" həşteqini qadağan edib.
Bu gün qəbul edilən həmin qəra sosial şəbəkənin gənc istifadəçilərə təsiri və bədən imicinə dair problemlərin artmasında rolu ilə bağlı Avropada artan narahatlıqlar fonunda baş verib.
İyunun 1-də "X" sosial şəbəkəsində edilən paylaşımda Fransanın rəqəmsal məsələlər üzrə naziri Klara Şappaz bu addımı "ilk kollektiv qələbə" kimi qiymətləndirib və 15 yaşından kiçik uşaqlara sosial mediada qadağa qoyulması çağırışını təkrarlayıb.
Həşteq sosial şəbəkədən görülümədən əvvəl yarım milyondan çox yazıda istifadə edilib və bunların bir çoxunda həddindən artıq arıqlığı tərifləyən və “sən çirkin deyilsən, sadəcə köksən” kimi insanda günahkar hissi yaradan mesajlar yer alıb.
Bu məzmunun böyük hissəsi gənc qadınları hədəf alıb və qlobal auditoriyaya zərərli gözəllik standartlarını təbliğ edib. İndi bu həşteq istifadəçiləri sağlamlıq resurslarına istiqamətləndirir, lakin zərərli məzmunlar alternativ variasiyalar altında yayılmağa davam edir və bu cür tədbirlərin effektivliyinə dair suallar yaradır.
Çıxılmaz yol
Fransanın "Euronews" kanalına görə, Avropa Komissiyasının 2024-cü ilin fevralında Rəqəmsal Xidmətlər Aktı (DSA) çərçivəsində "TikTok"a qarşı rəsmi araşdırma başlatmasına baxmayaraq, bu son hadisənin nəzərəçarpacaq dərəcədə nəzərdə tutulmadığı görünür.
Bu vəziyyət Aİ-nin böyük texnoloji platformalarda öz tənzimləmələrini tətbiq etmək qabiliyyəti və istəyi ilə bağlı suallar doğurdu.
Yemək pozğunluqları üzrə ixtisaslaşmış fransız tibb bacısı Şarlin Buigi sosial medianın bu problemlərə qapı açdığını və onların onlayn rejimdə "normallaşdırıldığını" söyləyib.
O, anoreksiyalı gənc qızların qidalanmayan bədənlərini və ya bulimiya xəstəliyindən əziyyət çəkənlərin “təmizləmə” proseslərini nümayiş etdirən videolarını qınayıb.
Yemək pozğunluqları ürəyə zərər verə, sonsuzluğa və digər sağlamlıq problemlərinə səbəb ola bilər və intihar davranışı ilə əlaqələndirilir. Tədqiqatlar göstərdi ki, anoreksiya istənilən psixiatrik xəstəlik arasında ən yüksək ölüm nisbətinə malikdir.
