ABŞ rəsmiərindən birinin “Reuters” xəbər agentliyinə verdiyi məlumata görə, Amerika Birləşmiş Ştatlarının (ABŞ) Dövlət katibi Marko Rubio İsrail ilə Livan arasındakı diplomatik danışıqlar barədə həm Livan Prezidenti Cozef Aun, həm də Benyamin Netanyahu ilə görüşərək, "gərginliyin mərhələli şəkildə azaldılmasına" imkan yaradacaq plan təklif edib.
Rəsminin bildirdiyinə görə, ABŞ ilk addım olaraq “Hizbullah”ın İsrailə yönəlmiş bütün hücumları dayandırmasını və bunun müqabilində İsrailin Beyrutda gərginliyi artırmaqdan çəkinməsini təklif edib.
Rəsmi "Bu, gərginliyin mərhələli şəkildə azaldılması və düşmənçiliyin effektiv şəkildə dayandırılması üçün şərait yaradacaq" ifadələrini işlədib.
İsrail “əvvəlcə” dayanacaq
Rəsmi həmçinin əlavə edib ki, Aun təklifi irəli aparmağa və bir razılıq əldə etməyə çalışır.
Lakin “Hizbullah”ın atəşkəs öhdəliyinə "zəmanət verdiyini" iddia edən Livan Parlamenti sədri Nəbih Berri əvvəlcə atəş açmağı dayandırmaq məsuliyyətini İsrailin üzərinə qoyub.
Netanyahı mayın 31-də altı həftədən çox bir müddət əvvəl elan edilən atəşkəsə baxmayaraq, “Hizbullah” ilə mübarizədə qoşunların Livanın daxilinə doğru daha da irəliləməsi barədə əmr verdiyini demişdi.
Hərbi rəsmilərin bu gün (1 iyun 2026) daha əvvəl bildirdiyinə görə, son irəliləyişdə İsrail əsgərləri 900 illik Bofor (Beaufort) qalası ilə Livanın cənubunda yerləşən strateji bir təpəni ələ keçirib. Bu hadisə aprel ayında elan edilən atəşkəsdən bəri İsrailin şimalına yönəlmiş ən intensiv Hizbullah atəşlərinin qeydə alındığı günün ertəsi gününə təsadüf edib və məktəblərin bağlanması ilə bəzi məhdudiyyətlərə səbəb olub.
Amerikalı rəsmi bildirib ki, ABŞ İsrailin “Hizbullah”ın mülki şəxslərə qarşı davam edən hücumlarına dözməsini gözləmir.
İsrail hücumları 2 martdan bəri 1,2 milyondan çox livanlını didərgin salıb.
O vaxtdan bəri İsrail hücumlarında Livanın cənubu, şərqi və paytaxt Beyrut hədəf alınıb. Livan Səhiyyə Nazirliyinin məlumatına görə, 3 200-dən çox insan həyatını itirib. İsrail isə eyni dövrdə 23 əsgərinin və dörd mülki vətəndaşının öldüyünü bəyan edib.
