ABŞ Geoloji Xidməti (USGS) Myanmada 7,7 bal gücündə güclü zəlzələnin baş verdiyini bildirib. Paytaxt Neypyidoda yolların çatladığı, yeraltı təkanların Çin və Taylandda da hiss olunduğu qeyd olunub.
ABŞ Geoloji Xidmətinin məlumatına görə, zəlzələ Saqainq şəhərindən 16 kilometr şimal-qərbdə və 10 kilometr (6,2 mil) dərinlikdə baş verib.
Banqkokda bəzi metro və yüngül dəmir yolu xidmətləri dayandırılıb.
Neypyidodakı jurnalistlər yeraltı təkanlar nəticəsində yolların çatladığını və binalara ziyan dəydiyini bildirib.
Yeraltı təkanlar Tailandın şimalından paytaxt Banqkoka qədər hiss olunub. Banqkokda sakinlər küçələrə axışıb.
Məşhur turizm şəhəri Çianq Maidə yaşayan Duanqcai adlı vətəndaş jurnalistlərə açıqlamasında "Zərzələ baş verdiyi zaman yatırdım. Dərhal evdən qaçmağa çalışdım'' deyib.
Yeraltı təkanlar Çinin cənub-qərbindəki Yunnan əyalətində də hiss olunub. Pekinin zəlzələ agentliyi isə zəlzələnin 7,9 bal gücündə olduğunu bildirib.
