Rusiya Müdafiə Nazirliyi bildirib ki, hava hücumundan müdafiə sistemləri bir gecədə əksəriyyəti Rusiyanın 2014-cü ildə ilhaq etdiyi Qara dəniz yarımadasında yerləşən Krım üzərində olmaqla, Ukraynaya məxsus 121 pilotsuz təyyarəni məhv edib.
Rəsmilər mayın 2-də Kiyev və Vaşinqtonun minerallara dair sazişi imzalamasından bir gün sonra Rusiyanın Ukraynaya hücumları nəticəsində 30-dan çox adamın yaralandığını bildirib.
Ukrayna ümid edir ki, bu saziş Vaşinqtona üç ildən artıqdır ki, Rusiyanın işğalı ilə mübarizə aparan çətin vəziyyətə düşmüş ölkəsi qarşısında təhlükəsizlik öhdəlikləri götürməyə zəmin yaradacaq.
Regionun qubernatoru İvan Fedorov "Telegram"da bildirib ki, düşmənin gecə hücumu nəticəsində Zaporojjya sənaye şəhərində 29 nəfər yaralanıb və əlavə edib ki, pilotsuz təyyarənin zərbəsi nəticəsində ölənlər arasında 13 yaşlı uşaq da var.
"Ruslar şəhərin mülki infrastrukturunu vurdular. Yaşayış evi, universitet və infrastruktur obyekti zədələndi", -deyə o qeyd edib.
Qubernator Sergiy Lısak da "Telegram"da bildirib ki, Rusiyanın Dnepropetrovsk vilayətinin şərqində pilotsuz təyyarənin endirdiyi zərbə nəticəsində iki nəfər yaralanıb, iki yerdə yanğın baş verib,
Ukraynanın milli dəmir yolu şirkəti qeyd edib ki, Zaporojjyadakı lokomotiv təmir zavodu gecə boyunca “kütləvi hücuma məruz qalıb” və saatlarla davam edən yanğına səbəb olub. Hadisə nəticəsində xəsarət alan olmayıb.
Rusiya Müdafiə Nazirliyi bildirib ki, hava hücumundan müdafiə sistemləri bir gecədə əksəriyyəti Rusiyanın 2014-cü ildə ilhaq etdiyi Qara dəniz yarımadasında yerləşən Krım üzərində olmaqla, Ukraynaya məxsus 121 pilotsuz təyyarəni məhv edib.
Qeyd edək ki, Ukrayna prezidenti Volodimir Zelenskinin ABŞ-la minerallarla bağlı sazişin hər iki tərəf üçün “bərabər” faydalar təmin etdiyini, lakin müqavilənin Kiyev üçün konkret təhlükəsizlik zəmanəti vermədiyini söyləməsindən sonra hücum edilib.
Ukrayna lideri ölkəsinin müttəfiqlərini “Rusiyanı susmağa və danışıqlara məcbur etmək üçün ona təzyiqləri” artırmağa çağırıb.
