HHS-in bildirişinə görə, bu təxliyyə iddia olunan antisemitizm və irqi ayrı-seçkiliyə cavab verməmək səbəbindən həyata keçirilir.
ABŞ Səhiyyə və İnsan Xidmətləri departamenti (HHS) Harvard universitetinə qarşı 60 milyon dollarlıq federal qrantları ləğv etdiyini açıqladı. Bu qərar universitetin antisemitizm və irqi ayrı-seçkiliklə bağlı şikayətləri həll etməməsi ilə əsaslandırılıb.
“Harvard universitetinin antisemitizm və irqi ayrı-seçkiliklə bağlı şikayətləri həllə davam etməsi səbəbindən HHS çoxillik qrantların bir neçəsini ləğv edir ki, bunların ümumi məbləği təxminən 60 milyon dollar təşkil edir”, - deyə HHS mayın 19-da “X” platformasında xəbər verib.
Son həftələr ABŞ prezidenti Donald Tramp administrasiyası Harvard universitetinə qarşı tədbirlərini artırıb. Universitetin təxminən 9 milyard dollarlıq federal maliyyələşdirməsi rəsmi şəkildə araşdırmağa başlanıb, universitetdən bəzi pro-Fələstin (Fələstin tərəfdarı) qruplarına və etirazlarda maskaların istifadəsinə qarşı sərt tədbirlər tələb olunub.
Administrasiya həmçinin Harvarddan xarici əlaqələri barədə daha ətraflı məlumat verməsini tələb edib, onun vergidən azad statusunu, xarici tələbələr qəbulunu ləğv etməkdə hədələyib.
2025-ci ilin aprel ayında universitet ABŞ prezidentinin tələblərini rədd edərək bunları söz və akademik azadlıqlara hücum kimi qiymətləndirib. Həmin ayın sonlarında Harvard universiteti təxminən 2,3 milyard dollarlıq federal maliyyələşdirmənin dayandırılmasına görə Tramp administrasiyasına qarşı məhkəmə iddiası qaldırıb.
Hədəfə alınan universitetlər
Tramp administrasiyası ABŞ universitetlərində pro-Fələstin etirazları və digər məsələlərlə bağlı geniş miqyaslı tədbirlər çərçivəsində digər nüfuzlu universitetlərə də təzyiqlərini artırıb. Kolumbiya universitetində baş verən pro-Fələstin etirazları dalğasına görə 400 milyon dollarlıq federal maliyyələşmə ləğv olunub. Nəticədə universitet təzyiqlərə boyun əyərək “genişmiqyaslı siyasət dəyişiklikləri”ni elan edib. Daha sonra Tramp hökuməti həm Kornell, həm də “Northwestern” universitetində pro-Fələstin etirazlarına icazə verildiyinə görə federal maliyyələşdirməni dondurub.
