Türkiyə-Qətər Ali Strateji Komitəsinin XI iclası çərçivəsində Türkiyə və Qətər arasında bir sıra sazişlər və birgə bəyannamələr imzalanıb.
Türkiyə Prezidenti Rəcəb Tayyib Ərdoğan və Qətər Əmiri Şeyx Təmim bin Həməd Əl Saninin həmsədrliyi ilə çərşənbə günü Dohada keçirilən Ali Strateji Komitənin XI iclası zamanı iki ölkə arasında müxtəlif sazişlər imzalanıb.
İclasdan əvvəl iki lider Əmirliklər Şurasında təkbətək görüş keçirib və nümayəndə heyətləri arasında baş tutan görüşlərə sədrlik ediblər.
“Türkiyə Respublikası ilə Qətər Dövləti arasında Ali Strateji Komitəsinin XI iclasının Birgə Bəyannaməsi”ni Türkiyənin xarici işlər naziri Hakan Fidan və Qətərin baş naziri və xarici işlər naziri Şeyx Məhəmməd bin Əbdülrəhman Al Sani imzalayıblar.
“Türkiyə Respublikasının Strareji və Büdcə Rəhbərliyi ilə Qətər Dövləti arasında Strateji İnkişaf Planının Müxtəlif Sahələrində Əməkdaşlıq və Təcrübə Mübadiləsi üzrə Anlaşma Memorandumu”nu Türkiyənin xəzinə və maliyyə naziri Mehmet Şimşək, ticarət naziri Ömər Bolat və Qətər Milli Şurasının baş katibi Əbdüləziz Bin Nasır Əl Xəlifə imzalayıblar.
“Türkiyə Respublikasının Ticarət Nazirliyi ilə Qətər Dövlətinin Ticarət və Sənaye Nazirliyi arasında Birgə Nazirlər Bəyannaməsi”ni Türkiyənin ticarət naziri Ömər Bolat və Qətərin ticarət və sənaye naziri Şeyx Feysəl bin Tani Əl Sani imzalayıblar.
“Müdafiə sənayesi sahəsində əməkdaşlıq haqqında anlaşma memorandumu”nu Türkiyə Prezidenti yanında Müdafiə Sənayesi İdarəsinin rəisi Haluk Görgün və Qətər Baş nazirinin müavini və müdafiə işləri üzrə naziri Şeyx Səud bin Əbdülrəhman bin Həsən bin Əli Al Sani imzalayıblar.
Prezident Ərdoğan daha sonra Körfəz turu çərçivəsində son dayanacağı olan Omana yola düşüb.
