Tailandın baş naziri Paetonqtarn Şinavatra çərşənbə günü parlamentdə etimad səsverməsində qalib gəlib. Müxalifət onu milyarder atası və keçmiş baş nazir Taksin Şinavatranın təsiri altında olmaqla ittiham edərək vəzifədən uzaqlaşdırmaq istəmişdi.
İki gün davam edən interpelyasiya zamanı 38 yaşlı Paetonqtarn idarəçilik bacarığı və təcrübəsizliyi müzakirə edilib. Lakin səsvermədə deputatlar 319 lehinə 162 səslə rədd edib, 7 deputat bitərəf qalıb.
Etimad səsverməsindən sonra baş nazir “Facebook” üzərindən tərəfdarlarına təşəkkür edərək bildirib. Sitat: “Lehimə və əleyhimə verilmiş bütün səslər məni xalq üçün daha çox işləməyə sövq edən qüvvə olacaq”.
Tayland siyasətində ən nüfuzlu, lakin mübahisəli fiqurlardan biri olan Taksin Şinavatra 15 illik sürgündən sonra 2023-cü ildə ölkəsinə qayıdıb.
Keçmişdəki korrupsiya və vəzifə səlahiyyətlərindən sui-istifadə ittihamları ilə səkkiz illik həbs cəzası almasına baxmayaraq, o, cəmi bir neçə ay polis xəstəxanasında yatdı və sonra kral tərəfindən əfv olundu. Bu hadisə onun cəzasının yüngülləşdirilməsi üçün pərdə arxasında sövdələşmə edildiyi barədə şayiələri artırıb.
Qeyd edək ki, 75 yaşlı Taksin 2001-2006-cı illərdə hakimiyyəti dövründə iqtisadi cəhətdən güclənərək hələ də milyonlarla kasıb Tayland arasında populyar olaraq qalmağa edir. Bununla belə, krallığın mühafizəkar elitası onu korrupsioner və manipulyasiya edən biri hesab edir.
Paetonqtarn Şinavatra keçən il Pheu Thai Partiyasının rəhbərlik etdiyi koalisiya hökumətinin başçısı vəzifəsini icra edib. Onun partiyası atası Taksin tərəfindən qurulan siyasi hərəkatın son halı kimi tanınır. Bundan əvvəlki baş nazir Srettha Thavisin məhkəmənin qərarı ilə vəzifəsindən azad edildikdən sonra Paetonqtarn baş nazir kürsüsünə keçib.
Müxalifətdəki Xalq Partiyasının sözçüsü Rangsiman Rome parlamentdə Paetonqtarnı interpelasiya sessiyası zamanı, atasına qarşı ayrı-seçkilikdə ittiham edib. Sitat: “Atanıza digər məhbuslardan daha yaxşı şərait yaratmaq üçün şeytani bir sövdələşməsi etdiniz”.
Baş nazir Paetonqtarn isə öz növbəsində bu ittihamları rədd edib.
