İsrailin Qəzzanı qəfil bombalaması nəticəsində əksəriyyəti qadın və uşaq olmaqla 400-dən çox fələstinli həlak olub.

Qəzzada Səhiyyə Nazirliyinin məlumatına görə, hücumlar nəticəsində ciddi dağıntı baş verib.

Qəzzalı Əfnan əl-Qannam ilk övladını 13 ay əvvəl, müharibə davam edərkən və hələ öz evlərində yaşayarkən dünyaya gətirib.

Yazda o, bu dəfə sağlam olmayan çadır şəhərciyində yenidən ana olmağı gözləyirdi. Yenə də kövrək atəşkəs nisbətən sakit mühit təmin etmişdi.

Lakin çərşənbə axşamı səhər tezdən İsrail hava hücumu onların ailəsinin çadırını hədəf aldı. Yeddi aylıq hamilə olan Əl-Qannam və kiçik oğlu Məhəmməd həyatını itirdi.

"Bu, onların hədəf siyahısıdır" deyir Əl-Qannamın həyat yoldaşı Ala Əbu Helal Xan Yunisdəki Nasser xəstəxanasının meyitxanasında balaca Məhəmmədin kəfənlənmiş cəsədini tutarkən. "O, ağır müharibə şəraitində doğulub və müharibədə şəhid olub. Onların hədəfləri günahsız insanlardır" deyə əlavə edir.

İsrailin hava hücumları yanvarın ortalarında başlayan atəşkəsi pozdu, məhv etdi və 15 aylıq bombardmanlar, qurudan hücumları, köçkünlük və aclıqdan sonra yaşaya bilmək üçün mübarizə aparan fələstinliləri heyrətə saldı.

Əbu Helal bildirib ki, hücum baş verən zaman Qəzzanın ən cənubunda yerləşən Rəfahdakı evini yoxlamaq üçün gedib. Xan Yunis yaxınlığında köçkün ailələr üçün böyük düşərgə olan Muvasidə ailənin yaşadığı çadır vurulub.

20 yaşlı Əl-Qannam və Məhəmməd Muvasidə yaşayıb. "Onlar məni tək qoyub getdilər. Hələ doğulmamış körpəm də öldü" deyir" Əbu Helal.

Məhəmməd Rəfahda anadan olub. May ayında İsrail əsgərlərinin təxliyə əmri verərək hücuma keçməsi ilə ailə tezliklə şəhəri tərk etmək məcburiyyətində qalıb. İsrail qüvvələri ilə HƏMAS döyüşçüləri arasında toqquşmalar şəhəri dağıdıb.

Əbu Helal "Müharibə zamanı siz ailənizi və uşaqlarınızı qorumaq üçün qaçırsınız. Amma baxın, burada ölüdür. Onların hamısı öldü".