Hakimiyyət orqanları terrorla mübarizə əməliyyatlarının davam etdiyini bildirir.
Təhlükəsizlik rəsmisinin verdiyi məlumata görə, fevralın 3-dən bəri Pakistanın Bəlucistan əyalətində terrorçular tərəfindən koordinasiyalı şəkildə həyata keçirilən hücumlarda 250-dən çox insan həlak olub. Hökumət qüvvələri hücum edənləri təqib edərkən, qarşıdurmalar davam edir.
Pakistan təhlükəsizlik qüvvələri xarici vətəndaşlara, yerli olmayan pakistanlılara və təhlükəsizlik əməkdaşlarına qarşı tez-tez silahlı hücumların baş verdiyi, Əfqanıstan və İran sərhədində yerləşən bu mineral zəngini əyalətdə on illərdir davam edən Bəluc üsyanı ilə mübarizə aparır.
Adı açıqlanmayan yüksək rütbəli rəsmilərdən biri fevralın 3-də günü AFP-yə verdiyi açıqlamada: "Davam edən antiterror əməliyyatlarında 197 terrorçu öldürülüb", - deyə bildirib.
Rəsmi şəxs Bəlucistanda koordinasiyalı şəkildə həyata keçirilən hücumlarda ən azı 36 mülki şəxsin və 22 təhlükəsizlik əməkdaşının öldüyünü də sözlərinə əlavə edib.
Silahlıların həftə sonu banklara, həbsxanalara, polis bölmələrinə və hərbi obyektlərə basqın etməsindən sonra bəzi bölgələrdə hələ də arabir toqquşmalar yaşanır.
“İyrənc və qorxaqcasına”
Bəlucistan Baş naziri Sərfraz Bugti fevralın 1-də Kvetta şəhərində keçirdiyi mətbuat konfransında hücuma məruz qalan bütün bölgələrin terrorçulardan təmizləndiyini söyləyib.
Bugti: "Biz onları qovuruq, bu qədər asanlıqla getmələrinə icazə verməyəcəyik" deyib.
Əyalətin ən fəal silahlı separatçı qrupu olan Bəluc Azadlıq Ordusu (BLA), AFP-yə göndərdiyi bəyanatda hücumların məsuliyyətini öz üzərinə götürüb.
Amerika Birləşmiş Ştatları tərəfindən terror təşkilatı kimi tanınan qruplaşma silahlı hücumlar və kamikadze partlayışlarının istifadə edildiyi əməliyyatlarda hərbi obyektlərlə yanaşı, polis və mülki idarə rəsmilərini də hədəf aldığını bildirib.
BLA son illərdə bölgədə çalışan digər əyalətlərdən olan pakistanlılara və xarici enerji şirkətlərinə qarşı hücumlarını intensivləşdirib.
Ötən il terrorçular daxilində 450 sərnişin olan qatara hücum etmişdilər. Hadisə iki gün davam edən ölümcül bir mühasirəyə səbəb olmuşdu.
Birləşmiş Millətlər Təşkilatı fevralın 3-də son hücumları "iyrənc və qorxaqcasına" adlandırıb.
