Hindistanın xarici işlər naziri Vikram Misri hökuməti adından qonşu Pakistanla atəşkəs elan etdikdən sonra sosial mediada təhqirlərə məruz qalıb.
Hindistanın gündəlik qəzeti "The Hindu" Misri ailəsinin Pakistanla atəşkəsdən qəzəblənən hökumətyönlü trollinqlər tərəfindən təhqirə məruz qaldığını yazıb.
Hindistanın xarici işlər naziri nalayiq şərhlərin hədəfinə çevrildikdən sonra hesabını bağlamağa və şərhləri deaktiv etməyə məcbur olub.
“The Wire” xəbər saytı hökumətyönlü "X" hesablarının Misrini “satqın” adlandırdığını və Misrinin ailəsi haqqında keçmiş yazıları ifşa etdiyini, onun qızını xaricdə oxuduğu və müsəlman Rohinca qaçqınlarına hüquqi yardım göstərdiyi üçün hədəfə aldığını bildirib.
Hindistanın müxalif Konqres partiyası hökumətyönlü trollinqləri tənqid edərək, onların hakim BJP ilə əlaqəli olduğunu söyləyən bəyanat yayıb:
"Keçən həftə təqibçiləri əsgər və zabitin dul arvadı Himanşi Narvalın sadəcə"nifrətə, zorakılığa" çağırışlarına görə pis qarayaxma kampaniyasına başlayıblar. İndi onlar xarici işlər naziri Vikram Misrini hədəfə alırlar, sanki Modi, Amit Şah, Rajnath Sinq yaxud Jaishankar deyil də atəşkəsi bir başına o qərarlaşdırmış kimi".
Başqa bir müxalifət lideri isə bunları deyib:
"Vikram Misri və qızına qarşı təhqirlər nifrət doludur. Bu nifrəti "millətçilik" adlandırmaq zəmanəmizin ən böyük yalanıdır. Hökumətyönlü nifrət Hindistan üçün real təhlükədir və bu, bizi bitirməzdən əvvəl sona çatmalıdır".
Pakistan və Hindistan hər iki ölkədə 50-dən çox insanın ölümünə səbəb olan dörd günlük qarşılıqlı hücumlardan sonra atəşkəs əldə ediblər.
Pakistan Hindistana bir neçə hərbi zərbə vurduğunu, o cümlədən bir çox təyyarənin düşürüldüyünü iddia edib. Bu iddia bir çox beynəlxalq media orqanları tərəfindən dəstəklənib.
Hindistan isə öz iddialarını tənqid edən ən azı 8000 "X" hesabını bağlayıb.
Bu arada, Hindistanda bəzi əsas xəbər kanalları tərəfindən aparılan kütləvi dezinformasiya kampaniyası sosial media istifadəçilərinin əks reaksiyasına səbəb olub.
