İranın İslamabaddakı səfiri aprelin 7-də Pakistanın Yaxın Şərqdəki müharibəni dayandırmaq üçün ABŞ ilə aparılan danışıqlarda vasitəçilik etməsinin "kritik və həssas bir mərhələyə yaxınlaşdığını" ifadə edib.

Pakistanın səylərini "müsbət və səmərəli" adlandıran Rza Amiri Moqaddam “X” hesabında etdiyi paylaşımda "Bizi təqib etməyə davam edin" ifadələrini yazıb.

Moqaddamın sözləri İranın aprelin 6-da müharibəni dayandırmaqla bağlı mövqeyini ortaya qoyan təklif göndərdiyi dövrə təsadüf edir. İran müvəqqəti atəşkəsi rədd edərək, bunun əvəzinə münaqişənin daimi həlli üçün çağırış edib.

İran iki həftəlik yüksək səviyyəli danışıqlardan sonra ABŞ-nin təklifinə dair cavabını Pakistan vasitəsilə çatdırıb.

Daha sonra ABŞ prezidenti Donald Tramp İranın cavabını "vacib addım" kimi xarakterizə etsə də, bunun hələ də kifayətli olmadığını bildirib. Tramp Ağ Evdə jurnalistlərə verdiyi açıqlamada "Kifayət qədər yaxşı deyil, lakin çox vacib bir addımdır" deyə qeyd edib.