Çinin Tibet Muxtar Bölgəsində oktyabrın 22-də gecə radələrində baş verən 7 maqnitudalı zəlzələdə ilkin məlumatlara görə 16 nəfər həyatını itirib.
"Sinxua" (Xinhua) agentliyinin xəbərinə görə, episentri Tibet Muxtar Bölgəsinin Nakçu vilayətinin Baçin rayonu olan zəlzələdə 300-dən çox ev dağılıb.
Zəlzələdə ilkin məlumatlara görə 16 nəfər həyatını itirərkən, 32 nəfər yaralanıb.
Fəlakət bölgəsinə 300 polis ilə 347 yanğınsöndürən və xilasedici heyət cəlb edilib.
Yaralılardan 11-nin vəziyyəti ağır olaraq qalır, yüngül yaralanan 21 nəfər isə xəstəxanalarda müalicə olunub.
Axtarış-xilasetmə işlərinin davam etdiyi bölgədə insan tələfatının artacağından narahatlıq duyulur.
Tibetin Şıqatsı vilayətinin Tinqri rayonunda 2025-ci ilin yanvarında baş verən 6,8 maqnitudalı zəlzələdə 120 nəfər həyatını itirmişdi.
