Ruandada keçirilən ilk Afrika Beynəlxalq Təhlükəsizlik Konfransında çıxış edən prezident Paul Kaqame qitənin təhlükəsizlik problemlərinə afrikalıların rəhbərlik etdiyi həll yollarının tapılmasının vacibliyini vurğulayıb.

İlk Afrika Beynəlxalq Təhlükəsizlik Konfransı mayın 19-da Ruandanın paytaxtı Kiqalidə öz işinə başlayıb. Ruanda prezidenti Paul Kaqame forumu “çox gecikmiş” adlandırıb və qitənin təhlükəsizlik problemlərinə Afrikanın rəhbərlik etdiyi həll yollarına çağırıb.

Açılış mərasimində çıxış edən Kaqame Afrikanın gələcəyinin "başqalarına verilə bilməyəcəyini" vurğulayaraq, qitənin öz sülh və sabitliyindən məsul olmasının vacibliyinə diqqət çəkib.

Kaqame "Afrikanın təhlükəsizliyi uzun müddətdir ki, "başqaları tərəfindən idarə oluna biləcək bir yük" olaraq görülüb. Bu yanaşma ümumilikdə kifayət qədər regional iştirak və ya yerli kontekstlə bağlı anlayışı əks etdirməyib. Bu yanaşma nə Afrika, nə də dünya üçün nəticə verməyib" deyib.

O, həmçinin forumu həm ifadə, həm də məzmun baxımından qlobal təhlükəsizlik müzakirələrində Afrikanın rolunu dəyişdirmək üçün “qəsdən bir səy” kimi təsvir edib.

Afrika ölkələrini təhlükəsizlik məsələlərində etibarlı və səlahiyyətli tərəfdaşlar kimi çıxış etməyə çağıran Kaqame bu məsuliyyətə məhəl qoymamağın “başqalarının müdaxiləsinə və beləliklə də təhlükəsizlik və nəzarətin itirilməsinə” səbəb olduğunu söyləyib.

Kaqame vurğulayıb ki, Afrika İttifaqı ilə ittifaqın Sülh və Təhlükəsizlik Şurası kimi daha güclü regional qurumlar daxil olmaqla, qitənin ümumi təhlükəsizlik prioritetlərinin idarə olunmasında liderlik etməlidir.

"Təhlükəsizlik problemlərinin öhdəsindən gəlməyin açarı öz həll yollarımızı ortaya qoymaq qabiliyyətimizdədir" deyən Kaqame əlavə edib ki, Afrika Beynəlxalq Təhlükəsizlik Konfransı siyasi iradəni texniki təcrübə və milli maraqlarla qitə prioritetləri ilə uyğunlaşdırmalıdır.