Prezident Rəcəb Tayyib Ərdoğan ABŞ prezidenti Donald Tramp və müsəlman liderlərlə Qəzza ilə bağlı görüşün “çox məhsuldar və müsbət” olduğunu bildirib və nəticənin faydalı olacağına ümid etdiyini vurğulayıb.

Nyu-Yorkdakı Türk Evinin qarşısında jurnalistlərə müsahibə verən Ərdoğan "Çox, çox məhsuldar və yaxşı görüş keçirdik. Məmnun oldum. Nəticə xeyirli olsun" deyib.

İki lider Birləşmiş Millətlər Təşkilatının Baş Assambleyasının 80-ci sessiyası çərçivəsində BMT-nin Baş Qərargahında keçirilən Qəzza ilə bağlı regional toplantıya qatılıb.

Trampla keçirilən sammitin sülhə və mülki əhalinin müdafiəsinə doğru ciddi addımlar atıb-atmayacağı sualına Ərdoğan yaxın vaxtlarda birgə bəyannamənin veriləcəyini bildirib. O, "Yekun bəyannamə yəqin ki, yaxın vaxtlarda açıqlanacaq. Bu axşamkı görüşün yekun bəyannaməsi həm cənab Trampın, həm də cənab Təmimin (Şeyx Təmim bin Həməd Al Sani, Qətər əmiri) açıqlamaları ilə ortaya çıxacaq.

Ortaq baxışlar

Tramp həmçinin jurnalistlərə görüşün "çox uğurlu" olduğunu deyib və əksəriyyəti müsəlman olan dövlətlərin iştirakını vurğulayıb.

"Qəzza ilə bağlı çox yaxşı görüş keçirdik" deyən Tramp "İsrail istisna olmaqla, bütün əsas aktyorlarla çox uğurlu görüş oldu. Bununla belə, bundan sonra İsraillə görüş var və mən Qəzzada həll yolu tapa biləcəyimizə inanıram. Böyük liderlərlə çox məhsuldar görüş keçirdik" deyib.

Rəsmilər bağlı qapılar arxasında keçirilən görüşün nəticələrinə dair əlavə məlumat açıqlamayıblar.

Ərdoğan danışıqların fələstinlilər üçün mənalı nəticələr verəcəyinə ümid etdiyini bildirib və regional aktorların iştirakının vacibliyini vurğulayıb. Tramp isə İsrailin gələcək danışıqlara qatıla biləcəyini bəyan edib.