ABŞ Prezidenti Donald Tramp NATO müttəfiqlərinin İrana qarşı müharibəni dəstəkləməkdən imtina etməsindən sonra ölkəsinin NATO-dan çıxarmağı düşündüyünü bildirib və alyansın kollektiv müdafiəyə olan sadiqliyini sərt şəkildə tənqid edib.
Tramp "The Telegraph" qəzetinə verdiyi müsahibəsində NATO-nu tənqid atəşinə tutub.
Tramp müharibədən sonra ABŞ-nin alyansdakı üzvlüyünü yenidən dəyərləndirib-dəyərləndirməyəcəyi barədə suala cavab verərkən, məsələnin "yenidən dəyərləndirməkdən də kənarda" olduğunu deyib.
Tramp deyib: "Biz hər zaman avtomatik olaraq orada idik. Ukrayna da daxil olmaqla müttəfiqlərə verdiyimizin dəstəyin qarşılığını ala bilmədik. Onlar bizim üçün yox idilər".
Hörmüz boğazı mövzusundakı münaqişə
Tramp bu açıqlamaları NATO üzvlərinin qlobal neft tədarükünün təxminən 20 faizini daşıyan və həftələrdir faktiki olaraq bağlı qalan, enerji bazarlarını sarsıdan və qlobal tənəzzül qorxusunu artıran Hörmüz boğazının yenidən açılması səylərini dəstəkləməkdə tərəddüd etdiyi bir vaxtda verib.
Tramp həmçinin Böyük Britaniyanın Baş naziri Kir Starmer də daxil olmaqla əsas müttəfiqləri hədəf alaraq, İngiltərənin hərbi gücünü sual altına qoyub və müdafiə mövqeyini tənqid edib.
Digər tərəfdən, ABŞ-nin Dövlət katibi Marko Rubio da administrasiyanın məyusluğunu dilə gətirərək NATO-nu "təktərəfli münasibət" kimi xarakterizə edib və Vaşinqtonun münaqişədən sonra alyansdakı roluna yenidən baxa biləcəyi barədə xəbərdarlıq edib.
