SİYASƏT
2 dəqiqə oxuma
K.Kallas Rusiyanın danışıqlar üçün irəli sürdüyü tələbləri "cəfəngiyat" adlandırıb
Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas danışıqlar qrupunun atəşkəs üçün təzyiq göstərməsinin vacibliyini vurğulayıb
K.Kallas Rusiyanın danışıqlar üçün irəli sürdüyü tələbləri "cəfəngiyat" adlandırıb
K.Kallas Rusiyanın danışıqlar üçün irəli sürdüyü tələblərini "cəfəngiyat" adlandırıb / reuters

Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Kaya Kallas Brüsseldə keçirilən Aİ Xarici İşlər Nazirlərinin Toplantısı ərəfəsində jurnalistlərin suallarını cavablandırıb.

Aİ liderlərinin noyabrın 13-də Avropanın danışıqlarda təmsil olunma formasını müəyyən etdiyini xatırladan K.Kallas xarici işlər nazirləri ilə görüşlərin məzmunu üzərində işi davam etdirəcəklərini deyib.

Rusiyanın 2021-ci ildə müharibədən əvvəl tələblər siyahısı təqdim etdiyini və rəsmi Moskvanın indi həmin tələbləri yenidən gündəmə gətirərək onlara yenilərini əlavə etdiyini bildirən K.Kallas deyib: "Bu, müharibəni davam etdirmək üçün açıq-aşkar bəhanədir. Bu məsələdə realist olmalıyıq".

Rusiyanın maksimalist tələblərinə qarşılıq olaraq Aİ-nin irəli sürdüyü maksimalist tələbləri nazirlərlə müzakirə edəcəklərini diqqətə çatdıran K.Kallas qarşıda gərgin iş prosesinin olduğunu qeyd edib.

Avropada mövcud təhlükəsizlik sisteminin olduğuna diqqət çəkən K.Kallas Rusiyanın Helsinki Yekun Aktı və Budapeşt Memorandumu da daxil olmaqla bir çox sazişlə bu nizamı qəbul etdiyini xatırladıb.

K.Kallas problemin Rusiyanın razılaşmalara əməl etməməsindən qaynaqlandığını vurğulayaraq deyib: "Buna görə də Rusiya tərəfindən bu öhdəliklərə əməl olunacağını göstərən konkret güzəştlər görməliyik".

Əsas prioritetin atəşkəs olmalı olduğunu vurğulayan K.Kallas "Görmək istədiyimiz şey atəşkəsdir. Digər hər hansı bir məsələnin müzakirəsinə başlamaq üçün məhz atəşkəs lazımdır", - deyə qeyd edib.

Rusiyanın avropalıların onlara hələ heç nə təklif etmədiyini iddia etdiyini bildirən K.Kallas deyib: "Birdən-birə elə təəssürat yaranır ki, guya onlara nəsə təklif etmək bizim öhdəmizə düşür. Halbuki müharibəni onlar başladıblar. Təcavüzkar olan onlardır və ortada bir zərərçəkən var".

Aİ-nin maksimalist tələbləri arasında Rusiya hərbçilərinin digər ölkələrdən çıxarılmasının olub-olmaması barədə sualı cavablandıran K.Kallas Rusiyanın hazırda qoşun saxladığı bütün ölkələrdən hərbi birləşmələrini çıxarmasının siyahıda yer aldığını təsdiqləyib.

MƏNBƏ:TRT
Araşdırma
Rusiya və Ukrayna Avropanın danışıqlara qoşulması barədə razılığa gəlib
İran İslam İnqilabı Keşikçiləri Korpusu ABŞ-nin Bəhreyndəki radar sistemini hədəf alıb
Çin və ABŞ Rusiya ilə danışıqlarda nüvə tərksilahı məsələsini gündəmə gətirəcək
Ukrayna-Rusiya müharibəsinə son qoymaq üçün keçirilən üçtərəfli danışıqların ikinci günü başladı
Rusiya nümayəndə heyəti Ukrayna və ABŞ ilə danışıqlar aparmaq üçün Əbu-Dabiyə səfər edib
“Həmas” Qəzza üzrə Sülh Şurasını bölgədəki daşqın böhranını görməzdən gəlməkdə günahlandırıb
Avropa Əbu-Dabidəki Rusiya-Ukrayna danışıqlarında təmsil olunacaq
İran ordusunun nümayəndəsi Məhəmməd Əkrəminiya ABŞ-yə xəbərdarlıq edib
İsxak Hersoq Trampın İsrailə yardımı dayandırmaq qərarına münasibət bildirib
Volodimir Zelenski Trampın xüsusi nümayəndələri ilə telefon danışığı apardığını açıqlayıb
Müxalifət lideri Q.Ayzenkot hakimiyyəti "demokratiyaya qarşı qətliam" törətməkdə günahlandırıb
Rusiya Türk Dövlətləri Təşkilatına qoşulmağı müsbət qiymətləndirib
Səudiyyə Ərəbistanı və ABŞ müdafiə nazirləri arasında telefon danışığı olub
M.Zaxarova: “Rusiya İrana qarşı yeni hərbi hücum planlarından narahatdır”
İsmayıl Bəqayi regional məsələlərlə bağlı vacib bəyanatlar verib
Yuri Uşakov Rusiya və Ukrayna liderləri arasında mümkün görüşü qiymətləndirib
Prezident R.T.Ərdoğan Cənubi Koreyaya səfər edəcək
ABŞ Türkiyənin Qara dənizdə taxıl daşınması ilə bağlı təklifini qiymətləndirir
Prezident R.T.Ərdoğan İstanbulda V.Zelenskini qəbul edib
Donald Tramp: ''Putinlə Zelenski yaxın zamanda görüşəcəklər''