Yerli media orqanlarının məlumatına görə, iyunun 30-da Tayvanın Yilan qəsəbəsində yerləşən düyü dəyirmanı anbarında baş verən yanğını söndürmək üçün yanğınsöndürənlər saatlarla mübarizə aparıblar.

TVBS telekanalının xəbərinə əsasən, yanğın nəticəsində xəsarət alan olmayıb.

Yanğın paytaxtla Yilan qəsəbəsini birləşdirən əsas magistral yoldan da görünüb.

Hadisə yerinə çox sayda yanğınsöndürən cəlb olunub. Yanğın 3000 kvadratmetrlik anbarı tamamilə əhatə edib.

Yanğın başladığı vaxt müəssisədə işçi olmayıb.

Qeyd edək ki, yanğının səbəbləri ilə bağlı araşdırmalar davam edir.