İran Prezidenti Məsud Pezeşkian bildirib ki, İran məsələlərin həllinə yanaşmasını əməkdaşlıq və danışıqlara əsaslandırır, iqtisadi təzyiqlərə qarşı isə qəti mövqe tutacaq.

Rəsmi İran xəbər agentliyi IRNA-nın məlumatına görə, Mərkəzi Bankda iqtisadçılarla görüşən Pezeşkian ABŞ ilə məsələnin diplomatik həllinin perspektivlərini və həmin ölkənin tətbiq etdiyi iqtisadi təzyiqləri qiymətləndirib.

İqtisadi təzyiqlər qarşısında geri çəkilməyəcəklərini vurğulayan Pezeşkian hökumətin iqtisadi qurumlarının nəzərdə tutduğu tədbirlərin həyata keçiriləcəyini bildirib.

Pezəşkian deyib: "Bizim əsas prinsipimiz məsələləri dialoq və danışıqlar yolu ilə anlamaq və həll etməkdir; lakin eyni zamanda, indiyədək etdiyimiz kimi və gələcəkdə də edəcəyimiz kimi, iqtisadi təzyiqlərə qarşı qəti mövqe tutacağıq".

İran prezidenti bildirib ki, ABŞ 28 fevralda başladığı müharibədə heç nə qazana bilməyib, İran da bunun qarşısında iqtisadi təzyiqlərə baş əyməyəcək.