Suriya Prezidenti Əhməd Əl Şaraa ABŞ-nin Suriyaya qarşı sanksiyalarının ləğv edilməsinin ölkənin iqtisadi dirçəlişi yolunda fundamental addım olduğunu bildirib.
Suriya Prezident Aparatından verilən bəyanata görə, ABŞ Prezidenti Donald Tramp və Suriya Prezidenti Əhməd Əl Şaraa telefon danışığı zamanı Suriyanın dirçəlişi, yenidən qurulması və regional sabitliyin dəstəklənməsi səylərini müzakirə ediblər.
Bəyanatda qeyd olunub ki, Əl Şaraa Trampa Suriyaya qarşı sanksiyaların ləğv edilməsinin ölkənin iqtisadi dirçəlişini və yenidən qurulmasını təmin etmək üçün fundamental addım olacağını deyib.
Bəyanatda Trampın sabitliyin qorunmasının, həmçinin Suriyanın dirçəliş və yenidənqurma səylərinin dəstəklənməsinin vacibliyini dilə gətirdiyi qeyd edilib.
Açıqlamaya görə, ABŞ Prezidenti regional təhlükəsizlik və sülhü gücləndirmək, regionda gərginliyin daha da artmasının qarşısını almaq üçün diplomatiya və dialoqa üstünlük verilməli olduğunu da vurğulayıb.
Hər iki lider danışıqlar zamanı Suriyanın dirçəlişini dəstəkləmək üçün davam edən səyləri nəzərdən keçirib və regional prosesləri qiymətləndiriblər.
